Мрсна коса
Дали страдате од непријатностите кои ги предизвикува мрсната коса? Имате тенка коса и без волумен? Не се разочарувајте. Денес има стотици козметички продукти кои ќе ви помогнат да се справите со мрсната коса, а ние ќе ви помогнеме со неколку корисни совети.
Карактеристики на мрсната коса
Мрсната коса никогаш не изгледа свежа и чиста. Таа останува прилепена за скалпот и затоа нема волумен. Врз овој тип коса полесно се залепуваат прав и други нечистотии, па тоа ѝ го одзема сјајот.
Иако вие постојано ја миете, другите луѓе околу вас немаат таков впечаток. Оние кои имаат поголем проблем ја мијат косата еднаш до два пати во текот на денот.
Причина за појавата на мрсна коса
Мрсната коса е резултат на прекумерното лачење на себум од масните жлезди на скалпот. Себумот е природно масло, кое што ги заштитува скалпот и влакната на косата од надворешни влијанија.
Причините за појавата на вишок на себум можат да бидат како внатрешни, така и надворешни. Мрсната коса може да биде генетски наследена или да биде резултат од промените во нивоата на хормоните во телото. Поради тоа, најзасегнати од проблемот наречен мрсна коса се адолесцентите и жените (поради варирањето на нивоата на хормоните за време на менструалниот циклус, бременоста и менопаузата).
Појавата на мрсна коса може да биде предизвикана и од честото миење на косата со преагресивни шампони. Таквите шампони го сушат скалпот и на тој начин ја предизвикуваат преголемата активност на жлездите што лачат себум. Други причини се и стресот и честата употреба на стилизирачки продукти.
Грижа за мрсната коса
- Користете шампон наменет за вашиот тип коса. Не користете преагресивни шампони кои би ги сушеле скалпот и корените на косата, затоа што нема да го добиете ефектот кој го посакувате. Изберете си шампон наменет за мрсна коса или нежен шампон со неутрална pH. Така, ќе можете да ја миете косата колку што имате потреба, без да ја влошите состојбата.
- Бидете внимателни. Додека ја миете косата, немојте да ги користите ноктите или да правите преголем притисок на скалпот. Нанесете го шампонот и нежно протријте со врвовите на прстите.
- Избегнувајте ја жешката вода. Мрсната коса не треба да се мие со жешка вода. Употребувајте млака вода, а на крајот последниот млаз нека биде студен.
- Фенот да биде подалеку од корените на косата. Кога ја сушите косата, држете го фенот подалеку од корените. Жешкиот воздух го поттикнува лачењето на себум. Фенот треба да биде на растојание од 15cm од косата и не се задржувајте на еден прамен подолго од 15 секунди.
- Рацете подалеку од косата. Ако имате навика постојано да ја допирате косата во текот на денот, откажете се од неа. Постојаните допири на косата и скалпот дополнително ја мрсат косата.
- Намалете ја употребата на стилизирачки продукти. Тие можеби му даваат сјај на косата, но таа изгледа тенка и без обем.
Домашна нега за мрсната коса
Маска со глина
Измешајте глина во прав со киселина и вода, додека не добиете густа смеса. Нанесете ја маската на косата, оставете ја 10 минути и потоа измијте ја косата со шампон и млака вода. Ако имате мрсна коса со суви врвови, нанесувајте ја маската само на корените на косата.
Маска со белка од јајце
Изматете една белка од јајце, додајте една чајна лажичка сол и сок од еден лимон. Повторно изматете. Маската разнесете ја на кожата на главата и оставете ја да дејствува 30 минути. Измијте ја косата со шампон и млака вода.
Етерични масла
Додајте 3-4 капки масло од лаванда или портокал во шампонот. Овие масла се одлични за мрсната коса, затоа што имаат тонизирачки и антисептички својства.
Анкета
Цитат
Не знам кој ги измислил високите потпетици, но сите жени му должат многу.Мерилин Монро
Виц
Жената му се јавува на мажот:
– Каде си?
– Мила, се сеќаваш ли на онаа златара каде го виде прстенот кој многу ти се допадна?
– Аууу, да!
– Е, јас сум во кафеаната од другата страна на улицата.
Коментари (11)
inaku jas nemam probano no ke probam definitivno .
vaka do pred 4 meseci postojano se farbav sega poveke ne koristam nikakva farba ja rastam mojata kosa ama vo posledno vreme mn. mi e mrsna i bezivotna stvam i maski za kosa i balsam ama nisto ne pomaga imam staveno i kiselina
pozdrav i odnapred vi balgodaram
EVE EDNA ODLICNA MASKA(EDNA LAZICA PANTENOL R-OR,EDNA RICINUSOVO MASLO,EDNA ZOLCKA,I EDNA LAZICA LIMON CEDEN) DA STOI PO MOZNOST 2-3 SATI ILI CELA NOK POSLE SE MIE. SEKOJA NEDELA SE STAVA MASKATA .MOZI KE VI SE CINI DEKA VI SE MRSI KOSATA AMA PO NEKOLKU STAVANJA KOSATA E NEZAMENLIVA.
Напишете коментар
Ако сè уште не сте регистрирани, кликнете овде.