Росио Муњоз Моралес беше една од трите дами кои му се придружија на водителот Карло Конти на сцената на престижниот фестивал „Сан Ремо“. Атрактивната актерка од Шпанија привлече лавина комплименти со својот елегантен стил на италијанската церемонија.
За време на петдневниот фестивал, Росио шармираше во повеќе дизајнерски креации од Армани, Роберто Кавали и Алберта Ферети.
Првата вечер на 65. издание на фестивалот за Росио помина во знакот на Армани. Таа самоуверено чекореше на големата сцена во три фустани во црвена и црна боја од високата мода на Џорџо Армани.
Модниот маратон Росио го продолжи со сексапилни долги фустани од Роберто Кавали.
За време на последните појавувања на фестивалот, убавата водителка носеше креации од Алберта Ферети.
На популарниот фестивал победи триото ll Volo, кое ќе ја претставува Италија на Евровизија 2015.
