Селин Дион роди машки близначиња

Мегапопуларната пејачка Селион Дион стана мајка на здрави машки близначиња. Со помош на царски рез таа вчера го родила првиот син во 11:11 часот, а вториот само една минута подоцна.

Селин Дион и нејзиниот сопруг Рене

„Селин, Рене и нивниот син Рене-Чарлз се пресреќни“ – изјавил претставник на семејството за списанието People.

Бебињата се тешки 2,38 и 2,55 килограми и се потполно здрави, но во наредните неколку дена ќе останат во инкубатор затоа што се родени предвреме.

Селин изминатата недела покажала знаци на предвремено раѓање и по препорака на докторите била хоспитализирана. Датумот за породувањето ѝ бил закажан во ноември.

Инаку, машките близначиња се резултат на шестиот обид за ин-витро оплодување на Селин.

Селин Дион и нејзиниот сопруг Рене се родители и на 9-годишниот Рене-Чарлз, кој пресреќен ги посетил своите братчиња во болницата.

Коментари (1)

tinam25

02:55, 24 октомври 2010г. #

Многу ја сакам музиката на Селин, и нејзината љубовна приказна ми дава надеж. Да и се живи и здрави близначињата. Душички мали :)

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.