Тројер Верн, познат по филмовите „Austin Powers“, беше пронајден мртов.
„Верн беше екстремно грижлива личност. Сакаше сите да ги расположува, да бидат среќни и да се смеат... Тој инспирираше луѓе од целиот свет со неговата мотивираност, решителност и однесување.... Верн, исто така, беше борец кога стануваше збор за неговите битки. Низ годините се бореше и победуваше, се бореше и победуваше, се мачеше и повторно победуваше, но за жал, овој пат му дојде премногу... Депресијата и самоубиството се сериозни проблеми. Никогаш не можеш да знаеш низ каква битка поминува некој. Бидете добри еден кон друг. И знајте дека никогаш не е предоцна да побарате помош од некого“ – пишува во пораката од неговото семејство.
49-годишниот актер се бореше со алкохолизам и депресија. На почетокот на месецов беше примен во болница поради труење со алкохол и беше прегледан од психијатар зашто според неговите блиски, имал самоубиствени намери.
Мајк Мајерс, кој глумеше со Верн во „Austin Powers“, му оддаде чест со пораката: „Ова е тажен ден, но се надевам дека тој е на подобро место. Многу ќе ни недостига.“