Софија Вергара блесна на црвениот тепих на доделувањето на наградите Еми кое синоќа се одржа во Лос Анџелес. За време на манифестацијата беа наградени најдобрите од телевизиските екрани.
45-годишната ѕвезда од серијата „Modern Family“ изгледаше како сирена во бел фустан кој ги истакна нејзините облини. Креацијата е дело на дизајнерот Марк Зунино.
Во својот стајлинг, славната актерка додаде накит од Лорејн Шварц.
На свеченоста, Вергара беше придружувана од 26-годишниот син Маноло, кој доби многу комплименти за атрактивниот изглед.