Војвотката Кетрин и принцот Вилијам им се придружија на холивудските ѕвезди на доделувањето на наградите BAFTA.
На манифестацијата која се одржува вечерва, 36-годишната претставничка на британското кралско семејство го истакна трудничкиот сјај во маслинесто-зелена креација од Џени Пекам и блескав накит со смарагди.
Со модниот избор, Кетрин намерно го прекрши неофицијалното „правило“ да се носи црна облека во знак на протест против сексуалното малтретирање и во знак на солидарност со оние кои биле злоупотребени и оние кои собраа храброст да проговорат.
Иако сопругата на принцот Вилијам знаеше за црниот дрес-код, нејзината функција не ѝ дозволува да се приклучи кон таков протест.
Шармантата војвотка и британскиот принц со широки насмевки чекореја на црвениот тепих.
Кетрин е во седмиот месец од третата бременост.