Анџелина Џоли ја продолжи промотивната турнеја за филмот „First They Killed My Father“ во Њујорк.
За премиерата во Големото јаболко, 42-годишната актерка избра креација од француската модна куќа Кристијан Диор, која не ги покриваше нејзините впечатливи тетоважи.
Тетоважите на грбот се будистички благослов за мир, љубов и просперитетен живот, додека тетоважите на левата рака ги опишуваат координатите на местата на раѓање на нејзините деца и на нејзиниот поранешен сопруг Бред Пит.
На свеченоста присуствуваа и нејзините шест деца, нејзиниот татко Џон Војт и дел од екипата која стои зад филмот.
На забавата по премиерата, Џоли шармираше во бел мантил и блескави обувки од Кристијан Лобутин покрај најстарите деца – Медокс и Пакс.
Филмот, кој ја прикажува војната во Камбоџа низ очите на дете, од денес ќе биде достапен на Netflix.