Тивкиот протест кој започна на „Златен глобус“, продолжи и на манифестацијата за доделувањето на наградите BAFTA.
На филмската церемонија, холивудските ѕвезди со црна облека го поддржаа движењето Time’s Up, кое цели да се стави крај на секусалното малтретирање на работното место.
Војвотката Кетрин беше меѓу малкуте јавни личности кои не се појавија во црни креации. Иако таа знаеше за црниот дрес-код, нејзината функција не ѝ дозволува да се приклучи кон таков протест.
Драмата „Three Billboards Outside Ebbing, Missouri“ доби најмногу награди, меѓу кои за Најдобар британски филм, а Франсис МекДорманд, која ја има главната улога во него, победи во категоријата Најдобра актерка.
Гери Олдман се закити со статуетка за Најдобар актер за портретирањето на Винстон Черчил во „Darkest Hour“, додека „The Shape of Water“ доби три награди, вклучувајќи ја и за Најдобар режисер за Гилермо Дел Торо.
