Љубомората ги „заслепува“ жените
Кога зеленото чудовиште наречено љубомора ќе вмеша прсти во врската, не може да не се појават проблеми. Досега беше познато дека емоциите кои се појавуваат во врската влијаат на психичкото и физичкото здравје, но сега научниците докажаа дека љубомората влијае и на она што го гледаме.
Американски професори по психологија направиле експеримент со хетеросексуални парови. Во текот на експериментот паровите седеле на различни компјутери блиску еден до друг. На жената ѝ била дадена задача да пронаоѓа слики со пејзажи меѓу други страшни грозни слики.
Во истото време мажот требало да ја оценува привлечноста на пејзажите кои излегувале на неговиот екран. Кон средината на експериментот било објавено дека мажот треба да започне да ја оценува привлечноста на други слободни жени.
На крајот на експериментот жените биле запрашани колку им било непријатно нивниот партнер да им дава оценки на други жени. Колку што се чувствувала жената пољубоморна, толку повеќе нејзиното внимание било одвлечено од грозните слики во текот на експериментот и ѝ било потешко да ја пронајде метата (пејзажот).
Таквата „слепост предизвикана од емоциите“ се појавила само додека мажот ги оценувал другите жени.
Овој експеримент бил насочен само кон жените. Сè уште не е јасно каква ќе биде реакцијата на мажите ако кај нив се предизвика љубомора.
Анкета
Цитат
Не знам кој ги измислил високите потпетици, но сите жени му должат многу.Мерилин Монро
Виц
Жената му се јавува на мажот:
– Каде си?
– Мила, се сеќаваш ли на онаа златара каде го виде прстенот кој многу ти се допадна?
– Аууу, да!
– Е, јас сум во кафеаната од другата страна на улицата.
Коментари (6)
Напишете коментар
Ако сè уште не сте регистрирани, кликнете овде.