Просечната жена изгледа 4 години постаро поради лошите навики
Нездравиот начин на живот го поттикнува предвременото стареење и просечната жена денес изгледа 4 години постаро поради штетните навики како консумирање на брза храна, пушење или изложување на сонце без заштита. Тоа е заклучокот од ново истражување во кое учествувале 8000 жени над 25 години.
Од славните, 27-годишната Ејми Вајнхаус изгледа најлошо за своите години
Резултатите покажале дека модерниот начин на живот има големо влијание врз изгледот на жените и просечната жена изгледа точно 4,25 години постара отколку што навистина е. Секоја петта жена не користи хидратантен крем, 40% од жените излегуваат на сонце без крем со заштита, четвртина консумираат брза храна 2-3 пати неделно. Истражувањето открило и дека просечната жена пуши по 894 цигари годишно.
Од славните личности, 41-годишната Џенифер Анистон се смета за ѕвезда која изгледа најдобро за својата возраст, а 27-годишната Ејми Вајнхаус е на врвот на листата на ѕвезди кои изгледаат најлошо за возраста на која се наоѓаат.
Новото истражување открило и дека четвртина од жените се загрижуваат поради стареењето по 10 минути секој ден, односно 2 и пол дена во годината.
Експертите предупредуваат дека пушењето, консумирањето на алкохол, изложувањето на сонце, нездравиот начин на исхрана и недостигот на физичка активност придонесуваат за предвремено стареење. За да го избегнат предвременото стареење, жените треба повеќе да се грижат за својата кожа, да пијат редовно вода и да консумираат јагоди, боровинки, капинки и малини.
Анкета
Цитат
Не знам кој ги измислил високите потпетици, но сите жени му должат многу.Мерилин Монро
Виц
Жената му се јавува на мажот:
– Каде си?
– Мила, се сеќаваш ли на онаа златара каде го виде прстенот кој многу ти се допадна?
– Аууу, да!
– Е, јас сум во кафеаната од другата страна на улицата.
Коментари (2)
Напишете коментар
Ако сè уште не сте регистрирани, кликнете овде.