Љубовта во вистинскиот живот не е ѓердан од ултра романтични филмски моменти. Таа извира од грижливите постапки, добронамерните гестови, спонтаните прошетки, утешните зборови и нежните погледи и допири.
Креативна артистка од Сан Франциско создава прекрасни илустрации кои покажуваат дека секој момент од врската може да биде чудесен и магичен. Во својот серијал „Everyday Love“, Ниди Чанани прикажува заљубени партнери кои заедно танцуваат, приготвуваат оброк, слушаат музика, се тешат еден со друг или едноставно мрзеливо лежат на подот.
Ликовите од делата на Чанини нè потсетуваат дека секоја секунда помината со саканата личност е убава и дека ние не ја пронаоѓаме среќата, туку самите ја создаваме.