Граѓаните на општина Чаир добија ново место за дружење, спорт и рекреација
Почетна » Новости » Занимливости » Граѓаните на општина Чаир добија ново место за дружење, спорт и рекреација

Граѓаните на општина Чаир добија ново место за дружење, спорт и рекреација

Во Топанско Поле во општина Чаир, во присуство на многу граѓани од сите возрасти, рекреативци, реномирани спортисти и спортски друштва, како и претставници на локалната самоуправа и претставници на компанијата Coca-Cola и Пивара Скопје, свечено беше пуштена во употреба единаесеттата „Coca-Cola Активна зона“.

Чаирската „Coca-Cola Активна зона“ го означува почетокот на третиот циклус од проектот, а до крајот на годината ќе бидат поставени уште четири „Coca-Cola Активни зони“ во различни општини.

Coca-Cola Активна зона

„Навистина сум среќен што ‘Coca-Cola Активните зони’ станаа препознатлив синоним за дружење и рекреација и место за инклузија на сите граѓани од различни категории, кои имаат исти интереси – дружба и спортување. Ветувањето што го дадовме во 2016 година, дека нашите заеднички ’Coca–Cola Активни зони‘ ќе никнат ширум Македонија, го потврдуваме и денес со отворањето на првата од петте овогодишни зони што ќе се постават во периодот што следува. Сигурен сум дека жителите на Чаир ќе го сакаат ова спортско-рекреативно место за дружење, ќе се грижат за него и вистински ќе уживаат во времето поминато овде. Особено сме горди на ’Coca-Cola Активните зони‘, затоа што тие се уште една потврда за нашите долгорочни заложби за придонес во заедницата и за вложување во проекти од кои придобивките ги ползуваат сите граѓани на Македонија“, рече Ламбро Патче, директор за односи со јавност и комуникации на Пивара Скопје.

Инаку, „Coca-Cola Активните зони“ се реализираат со поддршка на локалната самоуправа, а се сочинети од професионални фитнес-справи, кои се поставуваат на соодветни локации за слободна употреба на сите граѓани, и тоа 24 часа.

Настанот го проследија голем број жители од општината, медиуми и претставници од општината, предводена од градоначалникот, г. Висар Ганиу.

Coca-Cola Активна зона Coca-Cola Активна зона

„Едно вакво спортско-рекреативно катче е повеќе од добредојдено во општина Чаир и благодарен им сум на Пивара Скопје и на компанијата Coca-Cola, кои со задоволство го прифатија нашето барање за отворање на зоната и во нашата општина. Се надевам дека ’Coca-Cola Активната зона‘ ќе стане најпосетено место во околината, каде што жителите на Чаир ќе имаат можност за рекреација, дружење и забава“, изјави г. Висар Ганиу, градоначалник на општина Чаир.

Покрај претставниците од спортските клубови и друштва на територијата на општина Чаир, присуствуваше и асот на македонското борење, Хајруш Синани, но и проф. Бесник Талаи, на кои им беше доделено признание за најактивни жители на општина Чаир, за нивниот особен придонес кон спортот и промоција на спортот во општината.

Coca-Cola Активна зона Coca-Cola Активна зона

Проектот „Coca-Cola Активни зони“ е дел од глобалната платформа на Пивара Скопје и компанијата Coca-Cola, која се однесува на промоција на активниот живот, но и чинење добробит во заедницата преку инклузија на сите граѓани, со цел на сите еднакво да им се овозможи место за спорт, рекреација и дружење. Имено, како дел од истата платформа, во изминативе години Пивара Скопје заедно со компанијата Coca-Cola реализираа низа успешни проекти, меѓу кои „Coca-Cola фудбалскиот куп“, бесплатните паркиралишта за велосипеди, како и 10-те „Coca-Cola Активни зони“ од 2016 и 2017 година за жителите од Прилеп, Струмица, Охрид, Тетово, Штип, Куманово, Гостивар, Радовиш и од Скопје.

Coca-Cola Активна зона Coca-Cola Активна зона

Анкета

Анкета
Каков е вашиот став за новото име Република Северна Македонија?
  • 26%
  • 74%
Се испраќа...

(Вкупно: 8544 гласа)

Цитат

Понекогаш твојата среќа е изворот на твојата насмевка, но понекогаш насмевката може да биде изворот на твојата среќа.

Тик Нјат Хан

Виц

Кога жена вели дека нема што да облече, тоа значи дека нема НОВИ алишта.

Кога маж вели дека нема што да облече, тоа значи дека нема ЧИСТИ алишта.